病後扎記:三黃白蓮蓉月餅

病咗近兩個星期,發燒都燒咗三日,Covid-19真係 …… 即使而家轉陰,但身體仍然未完全恢復,常常感到疲倦~~~ 今天趁著公眾假期,一於同師母出外走走。 其實,我哋只係去Costco同埋T & T走過圈而已。 一入T & T就見到「奇華月餅」,心思思想買一盒食,只是,我哋兩個人食一盒,實在太過份了。後來,找到了「單個」售賣,雖然唔係奇華貨,不過,也立即拿起一個呢! 「三黃白蓮蓉月餅」 重點當然係「三黃」啦~~~ 以前在神學院每年都有院董送月餅給同工的,每人一盒; 當時候心想:我同師母每年兩盒(即係8個喎),點食?但偏偏又每年都食晒喎。今年,人在外!沒有院董餽贈事小,沒有家人在身邊事大。 2007年中秋節正日,媽媽急性肚痛入院,後證實是腸癌。不到一年,2008年中她便離我們姊弟而去 …… 自此之後,每年的「中秋節」總是想起此事。 也在這「中秋節」之後,我們姊弟相聚的時光也多了。 今天,我們四姊弟、四個家庭,分散在不同的地方,心中想念、也期待我們可以再重聚的時光。 在哪?不知道!!! 傳道者說:「凡事都有定期,天下萬務都有定時。」(傳3:1)

仲有個幾月先「中秋節」;雖然沒有發燒了,但 …… 遇上這星期的熱浪。室內溫度就算無30、起碼都28!大概,已經有幾十年沒有嘗試過在家中「無冷氣」的日子了。


#中秋節 #我們都有一個故事


Facebook專頁:為家庭說故事